Jökull Gunnarsson, sem var ráðinn forstjóri kísilmálmverksmiðju PCC á Bakka síðasta haust, hefur sagt starfi sínu lausu.

RÚV greindi frá þessu en tilkynnt var um þessar breytingar á starfsmannafundi á Bakka í dag.

Í samtali við fréttastofu RÚV sagði Jökull persónulegar ástæður séu fyrir ákvörðuninni og að hann hafi ákveðið að flytja aftur heim á suðvesturhornið.

Rúnar Sigurpálsson, framkvæmdastjóri fjármála hjá TDK á Akureyri, áður Becromal, tekur við forstjórastarfinu.