Framlag hækkar til Mývetnings

Mynd: skutustadahreppur.is

Á fundi sveitarstjórnar Skútustaðahrepps var lagður fram nýr samningur hreppsins og Mývetnings, íþrótta- og ungmennafélags, til næstu þriggja ára. Samningi þessum er ætlað að efla samstarf Skútustaðahrepps og Mývetnings um eflingu íþróttastarfs með megináherslu á öflugt íþrótta-, forvarna- og tómstundastarf fyrir börn og ungmenni á aldrinum 6-16 ára, styrkja starf Mývetnings og efla félagsaðstöðu Mývetnings. Þetta kemur fram í tilkynningu á vef sveitarfélagsins.

Upphæð samningsins pr. ár er 1 m.kr. og hækkar framlagið um 35% á ári frá síðasta samningi.

Sveitarstjórn samþykkti samninginn samhljóða en fjárframlagið er í samræmi við fjárhagsáætlun ársins.