Nú klukkan ellefu í morgun hófst stór hópslysaæfing þar sem allir viðbragðsaðilar á svæðinu æfa viðbrögð við stóru sjóslysi á Skjálfanda. Hjálmar Bogi Hafliðason sagði í samtali við Víkurblaðið á ellefta tímanum í dag að allt væri að verða klárt fyrir æfinguna. Leikarar sem eru um 40 talsins hafi mætt klukkan átta í morgun í morgunmat, förðun og lokaundirbúning. Hjálmar Bogi segir jafnframt að undirbúningur fyrir æfinguna hafi byrjað fyrir um ári síðan, öll hvalaskoðunarfyrirtækin hafi tekið virkan þátt í undirbúningnum, lánað aðstöðu, búnað og mannskap.

Hreiðar Hreiðarsson, varðstjóri hjá lögreglunni á Húsavík hefur stýrt undirbúningnum og stýrir aðgerðum í dag.

Varðskipið Týr var eins og glöggir Húsvíkingar hafa eflaust tekið eftir, bundið við bryggju á Húsavík í gær en fyrirhugað var að varðskipið tæki þátt í æfingunni. Neyðarkall barst hins vegar frá rækjutogaranum Sól­eyju Sig­ur­jóns, þegar eldur kom upp í vélarrúmi skipsins í gærkvöldi. Varðskipið Týr var kallað á staðinn sem sendi menn um borð í togarann til að kanna aðstæður, ekkert amar að áhöfninni. Múla­berg er með Sól­eyju í togi á leið til Ak­ur­eyr­ar, þar sem þyrla Land­helg­is­gæsl­unn­ar, TF-LIF, hefur verið til taks í nótt eft­ir að hafa híft tvo skip­verja um borð í nótt.

Ekkert verður því af því að Týr taki þátt í æfingunni í dag, það verður heldur engin þyrla á æfingunni eins og til stóð enda þyrlan einnig í útkalli vegna atviksins um borð í Sóleyju.

Ítarlega verður fjallað um æfinguna í Víkurblaðinu #13 sem kemur út á fimmtudag